منگلورو : پِک اَپ میں لے جا رہی الیمونیم پٹّیاں پھسل کر کار میں گھس گئیں - ڈرائیور بال بال بچ گیا
منگلورو، 23/ فروری (ایس او نیوز) ننتھور جنکشن کے پاس پیش آئے حادثہ میں ایک پِک اَپ میں لے جا رہی الیمونیم کی پٹیاں پھسل کر آگے جا رہی کار کی پچھلی ونڈ شیلڈ سے اندر گھس گئیں مگر خوش قسمتی سے ڈرائیور کی جان بال بال بچ گئی کیونکہ یہ پٹیاں ڈرائیور کی سیٹ کے اندر گھس کر پھنس گئیں ۔
بتایا جاتا ہے حادثہ اس وقت پیش آیا جب کار اور الیمونیم کی پٹیوں سے لدا ہوا ٹرک ایک دوسرے کے پیچھے پمپ ویل کی طرف بڑھ رہے تھے ۔ جب ننتھور جنکشن کے قریب کار ڈرائیور نے اچانک گاڑی کو بریکس لگائے تو پیچھے چل رہے پک اپ میں سے باہر کی طرف نکلی ہوئی الیمونیم کی پٹیاں کار کے پچھلے شیشے اور کھڑکیوں سے اندر گھس گئیں اور کار کی سیٹوں میں پھنس گئیں ۔
حادثہ میں کار بری طرح تباہ ہوگئی ہے ۔ پک اپ ڈرائیور کے خلاف بے پروائی سے گاڑی چلانے کی شکایت پولیس کے پاس درج کی گئی ہے ۔
