منگلورو:18؍ اکتوبر(ایس اؤ نیوز)ایچ آئی ایف کی جانب سے اور بدریہ فرینڈس دبئی کے تعاون سے کرناٹکا آندھرا پردیش کے سرحدی گاؤں عبداللہ صاب بستی میں نئی سہولیات سے آراستہ خوب صورت’بدریہ فاطمہ‘جمعہ مسجد کا16اکتوبر 2022بروزاتوار افتتاح عمل میں آیا۔

مہمان خصوصی  کے طورپر شریک محی الدین عثمان قندک کے ہاتھوں مسجد کا افتتاح ہوا تو مقامی قاضی مولانا ریاض احمد نے دعا فرمائی ۔ احسان مسجد کے سکریٹری محمد حنیف پی ایس، باوا اُلال ، صنعت کار تسلیم اور دیگر معززین شہر موجود تھے۔ ایچ آئی ایف کے صدر ناظم اے کے نے افتتاحی تقریب کی صدارت کی۔

جدید سہولیات سے آراستہ نوتعمیرشدہ جمعہ مسجد میں بیک وقت 500 سے زائد مصلیان نماز ادا کرسکتےہیں۔ بدریہ فرینڈس دبئی کی جانب سے مسجد تعمیرات کےاخراجات ادا کئے گئے۔ مسجد انتظامیہ نے بتایا کہ ایچ آئی ایف ، ایم ڈی پی مسجد ڈیولپمنٹ پروجکٹ کے تحت ساتویں مسجد تعمیر کی گئی ہے۔