کاروار میں ایک تاجر کا ہوا وحشناک قتل
کاروار ، 22 / ستمبر (ایس او نیوز) کاروار تعلقہ کے ہنکونا نامی علاقے میں پونے سے تعلق رکھنے والے ایک تاجر کو آج علی الصبح وحشتناک انداز میں قتل کر دیا گیا ۔
بتایا جاتا ہے کہ مقتول تاجر کا نام وناَئیک نائک (52 سال) ہے اور وہ گاوں کے مذہبی تہوار میں شرکت کی غرض سے گزشتہ شہر میں آیا ہوا تھا ۔ آج صبح 5 بجے کے قریب جب وہ پونے واپس لوٹنے کے لئے کار میں اپنا سامان رکھنے کے لئے باہر آیا تھا تو اچانک چار پانچ اجنبی قاتلوں نے اس پر تلواروں اور چاقووں سے حملہ کرکے موقع پر ہی ڈھیر کر دیا ۔ ونائیک کی بیوی وئیشالی جو باتھ روم میں تھی اس پر بھی حملہ کرکے سنگین طور پر زخمی کیا گیا ۔
معلوم ہوا ہے کہ شہر میں ونائیک کا کوئی کاروباری تعلق نہیں ہے ۔ اس کا بیٹا امریکہ میں زیر تعلیم ہے ۔ اس کا قتل کس نے کیا ہے اور کیوں کیا ہے اس بارے میں ابھی کوئی سراغ ہاتھ نہیں لگا ہے ۔ ونائیک کی بیوی کو علاج کے لئے ضلع اسپتال میں داخل کیا گیا ہے۔
واردات کی خبر ملتے ہی ضلع ایس پی نارائین سمیت دیگر پولیس افسران نے موقع پر پہنچ کر معائنہ کیا ۔ چیتاکول پولیس نے معاملہ درج کیا ہے ۔ ڈی وائی ایس پی گریش کی قیادت میں کیس کی تحقیقات کے لئے خصوصی ٹیم تشکیل دی گئی ہے ۔
