کاروار : اقلیتی طلباء کے لیے بی۔ایڈ کورس کی اسکالرشپ کے لیے درخواستیں مطلوب
کاروار، 7 دسمبر (ایس او نیوز): محکمہ اقلیتی بہبود کی جانب سے 2024-25 کے لیے سرکاری، منظور شدہ اور نجی کالجوں میں بی۔ایڈ (این۔سی۔ٹی۔ای۔ سے منظور شدہ) کورسز میں تعلیم حاصل کرنے والے اقلیتی طلباء (مسلمان، عیسائی، جین، بدھ، پارسی، سکھ) کے لیے اسکالرشپ کی درخواستیں طلب کی گئی ہیں۔
اسکالرشپ کے لیے درخواست دینے والے طلباء کے والدین کی سالانہ آمدنی 6 لاکھ روپے سے کم ہونی چاہیے۔ درخواست دینے والے طلباء کے لئے ضروری ہوگا کہ اُس نے پچھلے سال کے سالانہ امتحانات میں کم از کم 50 فیصد نمبرات حاصل کئے ہوں۔ اسکالرشپ کے تحت ہر سال 25,000 روپے کی خصوصی مالی امداد دی جائے گی، جو کہ کورس کی مدت کے لحاظ سے دو سال تک فراہم کی جائے گی۔
درخواستیں دینے کی آخری تاریخ 25 دسمبر ہے اور درخواست سرکاری ویب سائٹ کے ذریعے جمع کرانی ہوگی۔
مزید معلومات اور درخواست دینے کے لیے طلباء ویب سائٹ: https://sevasindhu.karnataka.gov.in/ پر کلک کرکے وزٹ کرسکتے ہیں یا اپنے متعلقہ تعلقہ کے اقلیتی معلوماتی مرکز یا ضلع محکمہ اقلیتی بہبود ، کاروار سے رابطہ کر سکتے ہیں۔ محکمہ کے ضلعی آفیسر نے یہ اعلان کیا ہے کہ مزید جانکاری کے لئے220336 ۔ 08382 - یا محکمہ اقلیتی بہبود کی ہیلپ لائن 8277799990 پر رابطہ کیا جا سکتا ہے۔
