سرسی9 مئی (ایس او نیوز) اقراءانگلش میڈیم ہائی اسکول سرسی نے اِمسال 92.10  فیصد شرح کے ساتھ شاندار کامیابی درج کی ہے جبکہ اسکول کی طالبہ بی بی حفصہ نے   91.84 فیصد ، محمد ذکی 87.36 فیصد اور بشار احمد ہلیالکر نے 85.76 فیصد مارکس کے ساتھ امتیازی کامیابی درج کی ہے۔

اسکول کی طرف سے جاری کی گئی پریس ریلیز کے مطابق اسکول سے38/ اسٹوڈینٹس ایس ایس ایل سی امتحان میں شریک ہوئے تھے،35/ کامیاب رہے۔تین اسٹوڈینٹس  نے امتیازی نمبرات کے ساتھ کامیابی حاصل کی، 16 فرسٹ کلاس اور 11سکینڈ کلاس سے کامیاب رہے۔

اسکول کی شاندار کامیابی پر اقراء ایجوکیشن ٹرسٹ کے صدرجناب عبدالقدوس حسن صاحب، نائب صدر جناب ناصر خان اور جنرل سکریٹری جناب عباس تونسے سمیت دیگر عہدیداران و اراکین نے طلبہ سمیت اسکول کے تمام ٹیچنگ اسٹاف کو مبارکباد پیش کی ہے۔