نئی دہلی ، 30/ جون (ایس او نیوز /ایجنسی)  ہندو مسلم خاندانوں کے درمیان آمدنی کا فرق تیزی سے کم ہو رہا ہے۔ دونوں برادریوں کے خاندانوں کے درمیان یہ فرق 7 سالوں میں 87 فیصد کم ہو کر صرف 250 روپے رہ گیا ہے جو 2016 میں 1,917 روپے فی مہینہ تھا۔ یہ اعداد و شمار غیر منافع بخش تنظیم پیپلز ریسرچ آن انڈیاز کنزیومر اکانومی کے سروے میں سامنے آئے ہیں۔ ملک میں مسلمانوں کی سالانہ آمدنی میں 28 فیصد، ہندوؤں کی 19 فیصد اور سکھوں کی سالانہ آمدنی میں 57 فیصد اضافہ ہوا ہے۔

اس اقتصادی تھنک ٹینک نے یہ نمونہ سروے ملک کے 165 اضلاع کے 1944 دیہات کے 2,01,900 خاندانوں کے درمیان کیا۔ مسلم خاندانوں کی سالانہ آمدنی سات سالوں میں 2.73 لاکھ روپے سے 27.7 فیصد بڑھ کر 3.49 لاکھ روپے ہوگئی۔ ہوا اس مدت کے دوران ہندوؤں کی آمدنی 2.96 لاکھ روپے سے 18.8 فیصد بڑھ کر 3.52 لاکھ روپے ہوگئی۔ سروے کے مطابق معاشی طور پر کمزور طبقات کی آمدنی ان لوگوں کے مقابلے میں نسبتاً زیادہ بڑھی ہے جو پہلے سے زیادہ کما رہے تھے۔ کوویڈ سے پہلے، ملک کی آمدنی میں سب سے کم 20فیصد لوگوں کا حصہ صرف 3فیصد تھا، جو 23-2022 میں بڑھ کر 6.5فیصد ہو گیا۔

اس کے مقابلے میں سب سے اوپر 20 فیصد آمدنی والے گروپ کا حصہ 52 فیصد سے کم ہو کر صرف 45 فیصد رہ گیا۔ جیسے جیسے اعلیٰ طبقے کی آمدنی کا حصہ کم ہوا، غریب اور متوسط ​​طبقے کی آمدنی میں اضافہ ہوا۔ اس سے تمام طبقات مستفید ہوئے۔ حکومت کی مفت اناج اسکیم، کسان سمان ندھی اور ہاؤسنگ اسکیموں نے بھی سماجی و اقتصادی فرق کو کسی حد تک کم کرنے میں اہم کردار ادا کیا۔

اقلیتیں بالخصوص مسلم کمیونٹی معاشی طور پر کمزور طبقے میں آتی ہے۔ لہذا، مسلم خاندانوں نے نچلے طبقے کی تقابلی ترقی سے زیادہ فائدہ اٹھایا ہے۔ مذہبی بنیادوں پر سروے کیے گئے تمام ہندو گھرانوں میں سے 21 فیصد میں گریجویٹ پائے گئے اور صرف 21 فیصد گھرانے ایسے پائے گئے جہاں کوئی ملازم تھا۔ ایس سی-ایس ٹی زمرہ سے تعلق رکھنے والے گریجویٹ گھرانوں کے مقابلے میں ملازمت والے گھرانوں کی تعداد سب سے زیادہ ہے۔ ایس سی، ایس ٹی زمرہ میں بالترتیب 17فیصد اور 11فیصد مکانات گریجویٹس کے ہیں۔ جبکہ 18فیصد ایس سی اور 15فیصد ایس ٹی زمرہ کے گھرانوں کے پاس نوکریاں ہیں۔

او بی سی کیٹیگری کے 20فیصد گھرانوں میں گریجویٹ تھے، لیکن کام کرنے والے افراد 18فیصد گھرانوں میں پائے گئے۔ یہ فرق عمومی زمرے میں سب سے زیادہ ہے۔ ان میں سے 29فیصد گھرانوں میں گریجویٹ ہیں، لیکن صرف 26فیصد گھرانوں میں لوگ ملازم ہیں۔ 2016 میں ہندوؤں کی ماہانہ آمدنی 24,667 روپے تھی۔ اور مسلمانوں کے لیے 22,750 روپے تھی۔ 2023 میں ہندوؤں کی 29,333 روپے اور مسلمانوں کی 29083 روپےہوئی۔

ملک میں 60 لاکھ سکھ خاندانوں کی سالانہ آمدنی میں 57.4 فیصد اضافہ ہوا، جو سات سالوں میں سب سے زیادہ ہے۔ یہ 4.40 لاکھ سے بڑھ کر 6.93 لاکھ ہو گیا۔ دیگر برادریوں کے لیے، جن میں جین پارسی اور دیگر چھوٹی کمیونٹیز شامل ہیں، ان کی سالانہ آمدنی 53.2 فیصد بڑھ کر 3.64 لاکھ روپے سے 5.57 لاکھ روپے ہو گئی۔ رپورٹ کے مطابق یہ کمیونٹیز پہلے ہی سب سے زیادہ امیر ہیں۔ انہوں نے ملک کی اقتصادی سرگرمیوں میں تیزی سے سب سے زیادہ فائدہ اٹھایا۔