ہوناور، 6؍ نومبر (ایس او نیوز) توٹیلگنڈی نامی مقام پر بھائیوں کے درمیان جائداد کے تعلق سے کھڑا ہونے والا جھگڑا بالآخر ایک بھائی کے قتل پر ختم ہوا۔
    
ذرائع سے ملی اطلاع کے مطابق ونائیک ، چیدا نند اور ہنومنتا نائک کے بیچ موروثی جائداد کے معاملہ پر بار بار تکرار اور جھگڑا ہوتا رہتا تھا ۔ کل سنیچر کی شام میں زبانی تکرار سے جھگڑا بڑھتے ہوئے مار پیٹ تک نوبت پہنچ  گئی ۔ اس دوران چیدانند اور ونائیک نے اپنے بڑے بھائی ہنومنتا (54 سال) پر لوہے کی سلاخ سے حملہ کر دیا ۔ اس کی وجہ سے سر پر گہری چوٹ آئی اور اس نے موقع پر ہی دم توڑ دیا ۔ اس کے علاوہ اس حملہ میں ہنومنتا کا سسر بھی شدید زخمی ہوا ہے ۔ حملہ آور چیدا نند اور ونائیک فرار ہوگئے ہیں ۔ پولیس نے معاملہ درج کرنے کے بعد مفرور ملزمین کی تلاش شروع کی ہے ۔