انکولہ، 6 / جولائی (ایس او نیوز) پچھلے دو تین دنوں سے برس رہی موسلا دھار بارش کی وجہ سے انکولہ تعلقہ کے نالے اور تالاب بھر کر ابلنے لگے اور کئی مقامات پر برسات کا پانی رہائشی علاقوں میں گھس گیا جس سے عام زندگی کے معمولات درہم برہم ہوگئے ۔
    
معلوم ہوا ہے کہ بہت سے مقامات پر حفاظتی کے اقدام کے طور پر لوگوں کو پانی سے بھرے علاقوں سے نکال کر راحت مراکز میں منتقل کیا گیا ہے ۔ تیز برسات کی وجہ سے زیادہ تر نشیبی علاقوں میں پانی جمع ہوگیا جس سے وہاں رہنے والوں کو سخت دشواریوں کا سامنا کرنا پڑا ۔                    
    
اس دوران کل زبردست بارش کی وجہ سے نیشنل ہائی 66 پر بالیگولی کے پاس اتنا پانی جمع ہوگیا کہ ہائی وے تالاب میں تبدیل ہوگیا اور کئی گھنٹوں تک موٹر گاڑیوں کی آمد و رفت میں خلل واقع ہوا ۔