دبئی، 4 اکتوبر (ایس او نیوز): دبئی اور متحدہ عرب امارات کے مختلف شہروں میں برسرروزگار نوجوان کھلاڑیوں کو ایک دوسرے کے قریب لانے اور ان کے ٹیلنٹ کو نئی بلندیوں تک پہنچانے کے مقصد سے دبئی کی بھٹکلی کمپنی 'اوز' کے زیراہتمام ایک شاندار کرکٹ ٹورنامنٹ 'اوز بلاسٹ' کا انعقاد کیا جا رہا ہے۔ یہ ٹورنامنٹ نہ صرف متحدہ عرب امارات  میں مقیم ساحلی کرناٹک کے کرکٹ شائقین کے لیے بہترین تفریح فراہم کرے گا بلکہ بھٹکل سمیت اطراف کے نوجوان کھلاڑیوں کو اپنی صلاحیتوں کے اظہار اور ایک مضبوط پلیٹ فارم پر آنے کا موقع بھی فراہم کرے گا۔ ٹورنامنٹ کے لیے کھلاڑیوں کا آوکشن 6 /اکتوبر کو ہوگا، جبکہ پہلا میچ 26 اکتوبر کو کھیلا جائے گا۔   ان تمام باتوں کی جانکاری ٹورنامنٹ کی آرگنائزنگ کمیٹی کے میڈیا انچارج اسماعیل  محتشم نے دی۔

ساحل آن لائن کو معلومات فراہم کرتے ہوئے انہوں نے  بتایا کہ یہ  اوز کی جانب سے  عرب امارات میں منعقد ہونے والا  دوسرا بڑا  ٹورنامنٹ ہوگا، ٹورنامنٹ میں آٹھ ٹیمیں شریک ہوں گی، اور ان ٹیموں میں کھیلنے کے لیے 220 کھلاڑیوں نے اپنے نام درج کروائے ہیں۔ ہر ٹیم میں تین مہمان کھلاڑیوں سمیت 16 کھلاڑی شامل ہوں گے۔

ٹورنامنٹ جیتنے والی ٹیم کو خوبصورت ٹرافی کے ساتھ 10,999 درہم نقد انعام دیا جائے گا، جبکہ رنر اپ ٹیم کو 6,999 درہم کے ساتھ ٹرافی دی جائے گی۔ ہر میچ میں مین آف دی میچ اور ٹورنامنٹ کے دوران بہترین کارکردگی دکھانے والے کھلاڑی کو مین آف دی ٹورنامنٹ کے اعزاز سے نوازا جائے گا۔

اسماعیل محتشم نے مزید بتایا کہ ٹورنامنٹ کی آٹھ ٹیموں کو دو گروپس میں تقسیم کیا جائے گا، جہاں ہر ٹیم تین لیگ میچس کھیلے گی۔ چار بہترین ٹیمیں پلے آف کے لیے کوالیفائی کریں گی۔ 

بتاتے چلیں کہ دبئی اور عرب  امارات میں اتوار کو  چھٹی رہتی ہے، جبکہ اکثر کمپنیوں میں سنیچر کو بھی آدھے دن کی چھٹی ہوتی ہے، اسی مناسبت سے  ٹورنامنٹ کے تمام میچس کو ترتیب دیا گیا ہے۔ سبھی میچس  شارجہ کے البطایہ اسٹیڈیم میں کھیلے جائیں گے۔ 26 اکتوبر کو ٹورنامنٹ کا آغاز ہوگا، جبکہ  کانٹے والی ٹکر والا فائنل میچ 17 نومبر کو  ہوگا۔

ترتیب دئے گئے میچ  شیڈول کے مطابق   سنیچر 26 اکتوبر کی شام ٹورنامنٹ کا آغاز ہوگا اور افتتاحی تقریب کے بعد  رات 9:30  بجے پہلا میچ کھیلا جائے گا۔اگلے دن اتوار کو صبح دس بجے پہلا میچ، دوپہر دو بجے دوسرا میچ اور شام 5:30  بجے تیسرا میچ کھیلا جائے گا۔اگلے  دو ہفتوں تک یعنی 3 نومبر اور10 نومبر کو صرف اتوار کو ہی  چار چار میچس کھیلے جائیں گے۔پھر 16 نومبر سنیچر کو دو میچس اور اتوار 17 نومبر کو بھی  دو میچس یعنی دوسرا سیمی فائنل اور فائنل میچ کھیلا جائے گا۔

ٹورنامنٹ جیتنے والی ٹیم کو فرسٹ پرائز  کے طور پر خوبصورت ٹرافی کے ساتھ 10,999 درہم نقد رقم  دی جائے گی، جبکہ رنرز آپ ٹیم کے لئے ٹرافی کے ساتھ  6,999 درہم انعام دیا جائے گا۔ ہر میچ میں مین آف دی میچ، اور پورے ٹورنامنٹ میں بہترین کارکردگی دکھانے والے کھلاڑی کو مین آف دی ٹورنامنٹ کے  اعزاز سے  بھی نوازا  جائے گا۔

اسماعیل محتشم  نے بتایا کہ ٹورنامنٹ کی آٹھ ٹیموں کو دو گروپس میں تقسیم کیا جائے گا۔ ہر ٹیم تین لیگ میچس کھیلیں گی اور چار بہترین ٹیمیں پلے آف کے لیے کوالیفائی کریں گی۔