بھٹکل  ، 15/ مئی (ایس او نیوز) دبئی اور مسقط سے ملی اطلاعات کے مطابق وہاں پر مقیم بھٹکلی طلبہ نے سینٹرل بورڈ آف سیکنڈری ایجوکیشن کی جانب سے منعقدہ بارہویں جماعت (ایس ایس سی) کے امتحانات میں عمدہ نتائج درج کیے ہیں ۔ 
    
موصولہ رپورٹ کے مطابق انڈین ہائی اسکول دبئی کے طالب علم محمد سیف ابن محمد سلمان دامودی  نے 95 فیصد مارکس کے ساتھ امتیازی کامیابی درج کی ہے۔ انہوں نے آرٹی فیشل انٹلی جینس میں سو میں سو مارکس حاصل کئے ہیں۔ 

مسقط سے ملی اطلاع کے مطابق ڈاکٹر سید محمد  عُمران  سقاف  اورڈاکٹر حُسنہ عُمران کے  فرزند یوشع سقاف نے  سی بی ایس سی   کلاس 12 میں  اے ون  گریڈ سے  امتیازی کامیابی درج کی ہے۔ انہوں نے اکاونٹینسی میں سو میں سو مارکس حاصل کئے ہیں۔ اسی طرح    بھٹکل مسلم جماعت مسقط کے سرگرم رکن سہیل ائیکری کی دُختر سجا تسنیم نے بھی 89 فیصد مارکس کے ساتھ امتیازی   کامیابی درج کی ہے۔

بھٹکل مسلم جماعت مسقط کے سابق صدر اور جماعت کے سرگرم رکن جناب قمرمرچینٹ کی دُختر فاطمہ رُفیا   نے بھی  مینگلوریونوپویا میں تعلیم حاصل کرتے ہوئے  سی بی ایس سی  کلاس 12 کے امتحان میں  90 فیصد مارکس کے ساتھ امتیازی کامیابی درج کی ہے۔

بھٹکل مسلم جماعت دبئی اور بھٹکل مسلم جماعت مسقط کے صدر ، جنرل سکریٹری اور دیگر عہدیداران و اراکین  نے طلبہ کی اِس  شاندار کامیابی پر  طلبہ سمیت اُن کے والدین کو مبارکباد پیش کی ہے۔