کاروار،9؍ فروری (ایس او نیوز) ضلع ڈپٹی کمشنر ڈاکٹر ہریش کمار نے اخباری نمائندوں سے بات چیت کے دوران کہا کہ نومبر 2020 کے بعد جن نوجوان ووٹرس نے ووٹر لسٹ میں اپنا نام درج کروایا ہے وہ لوگ الیکشن کمیشن آف انڈیا موبائل نمبراور ووٹر ہیلپ لائن سے "ای۔ایپیک" شناختی کارڈ حاصل کر سکتے ہیں۔

ڈی سی نے بتایا کہ ہر سال الیکشن کمیشن کے قیام کا دن  اور نیشنل ووٹر ڈے مناتے ہوئے کسی نہ کسی عنوان سے مہم چلائی جاتی ہے ۔ اس مرتبہ الیکشن کمیشن نے "ای۔ایپیک" شناختی کارڈ تقسیم کرنے کی مہم چلانے ہدایت جاری کی ہے۔ یہ سہولت فی الحال نومبر 2020 کے بعد اپنا نام درج کروانے والے نوجوان ووٹروں کے لئے ہی دستیاب رہے گی۔ جسے http://voterportal.eci.gov.in سے حاصل کیا جا سکتا ہے۔ اس کے علاوہ ووٹر اپنے رجسٹرڈ موبائل نمبر سے ووٹر ہیپ لائن پر جا کر بھی یہ ای ایپیک کارڈ حاصل کرسکتے ہیں۔

پریس کانفرنس کے موقع پر ایڈیشنل ڈی سی کرشنا مورتی کے ایچ بھی موجود تھے۔