اڈپی،29 / جولائی (ایس او نیوز) اڈپی کے پیرامیڈیکل کالج کے واش روم میں چند طالبات کی طرف سے دیگر طالبات کی ناشائستہ ویڈیو گرافی اور اسے سوشیل میڈیا پر عام کرنے کا جو معاملہ گرمایا ہوا ہے ، اس کی تحقیقات کے لئے کنداپور کے ڈی وائی ایس بیلی اٰپّا کو ذمہ داری سونپی گئی ہے۔
    
ذرائع سے ملی اطلاع کے مطابق اڈپی ضلع سپرنٹنڈنٹ اکشئے ہاکے مچیندرا نے آج ڈی وائی ایس پی بیلی اٰپّا کو اس ذمہ داری پر مامور کیا ہے ۔ خیال رہے کہ اس سے پہلے تحقیقات کی ذمہ داری منجو ناتھ گوڈا کو سونپی گئی تھی ، لیکن اے بی وی پی اور بی جے پی کی طرف سے تحقیقاتی افسر کو تبدیل کرنے کا مسلسل مطالبہ کیا جا رہا تھا ۔ اس پس منظر میں یہ تبدیلی عمل میں آئی ہے۔ 
    
یاد رہے کہ جن تین طالبات پر اس معاملے میں ملوث ہونے کا الزام لگاتے ہوئے کیس درج کیا گیا ہے انہیں کل عدالت سے مشروط ضمانت مل گئی ہے۔