بھٹکل:03؍دسمبر(ایس اؤ نیوز)جماعت اسلامی ہند بھٹکل کے زیر اہتمام ’پروادی یلریگاگی ‘(حضرت محمد ﷺ سب کے لئے ) موضوع پر منائی گئی مہم کی مناسبت سے ’محمد ﷺ اور مساوات ‘ کے عنوان پر بزبان کنڑا ضلع سطح کے مضمون نویسی مقابلہ میں ہوناور تعلقہ گونڈی بائیل سرکاری ہائر پرائمری اسکول کے استاد گنپتی ایس ہیگڈے اول انعام حاصل کرنےکی منتظمین نے پریس ریلیز کے ذریعے جانکاری دی ہے۔

مضمون نویسی مقابلے میں بھٹکل تعلقہ ہونے مڑی سرکاری ہائر پرائمری اسکول کے استاد راگھویندرا مڈیوال دوم اور نیو شمس اسکول بھٹکل کی استانی ساویتری ہیگڈے سوم انعام حاصل کئے ہیں۔ اس کے علاوہ ہوناور تعلقہ ستتھی گار سرکاری ہائر پرائمری اسکول کے ایم ایس ہیگڈے، ہیرانگڑی کی تروینی جی شاستری ، نیو انگلش پی یو کالج پی یو دوم کی طالبات ودیا نائک، رکشھتا درگپا نائک، پی یواول کی طالبات رکشا بھاسکر پائی ، سرسی گاندھی نگر کی استانی راجیشوری ہیگڈے تشجیعی انعامات کے حق دار بنے ہیں۔

پریس ریلیز میں بتایاگیا ہے کہ 4دسمبر 2019کو ساگر روڈ پر واقع نیو انگلش پی یو کالج میں منعقد ہونے والے پروگرام میں انعام یافتگا ن کے درمیان اول انعام 5000ہزارروپئے مع سند، دوم انعام 3000ہزار روپئے مع سند اور سوم انعام 2000ہزار روپئے مع سند تقسیم کئے جائیں گے۔ اسی طرح تشجیعی انعامات کی بھی تقسیم ہوگی۔