اڈپی کے بعد دکشن کنڑا میں بھی بھاری بارش کے چلتے کل منگل کو بھی اسکولوں میں چھٹی
مینگلور 8/جولائی (ایس او نیوز)ساحلی کرناٹکا میں بھاری برسات کو دیکھتے ہوئے ضلع اڈپی کے بعد ضلع دکشن کنڑا میں بھی کل منگل 9 جولائی کو اسکولوں اور پی یو کالجوں میں چھٹی کا اعلان کیا گیا ہے۔
جنوبی کنڑا ضلع کے ڈپٹی کمشنر ملائی موہیلن نے پیر کو ایک حکم نامہ جاری کرتے ہوئے کہا کہ ہندوستانی محکمہ موسمیات کی جانب سے منگل کو شدید بارش ہونے کے ساتھ ضلع میں ریڈ الرٹ جاری کیا ہے جس کی وجہ سے منگل 9 جولائی کو ضلع کے تمام اسکولوں اور پری یونیورسٹی کالجوں کو بند رکھنے کی ہدایت دی جاتی ہے۔
حکم نامہ کے مطابق 9 جولائی کو ضلع جنوبی کینرا کے تمام آنگن واڑیوں، سرکاری، امداد یافتہ اور پرائیویٹ پرائمری و ہائی اسکولوں اور پری یونیورسٹی کالجوں میں تعطیل کا اعلان کیا گیا ہے۔
