نئی دہلی، 13/اکتوبر (ایس او نیوز /ایجنسی)نیشنلسٹ کانگریس پارٹی (اجیت پوار) کے رہنما اور مہاراشٹر کے سابق وزیر بابا صدیقی کو 12 اکتوبر کی رات ممبئی کے باندرہ ایسٹ علاقے میں گولی مار کر ہلاک کر دیا گیا۔ پولیس کے مطابق، اس واقعے کے سلسلے میں دو مشتبہ افراد کو گرفتار کیا گیا ہے۔ حکام اس معاملے کی تحقیقات کر رہے ہیں تاکہ واقعے کے محرکات اور مزید ملزمان کا پتہ لگایا جا سکے۔

اس چونکا دینے والے واقعے کے بعد اپوزیشن نے ریاست میں امن و امان کی صورتحال پر سوال اٹھائے۔ کانگریس رہنما راہل گاندھی نے بھی اس واقعہ پر ریاستی حکومت پر سوال اٹھائے ہیں۔ اس کے علاوہ انہوں نے بابا صدیقی کے انتقال پر دکھ کا اظہار کیا ہے۔

اس واقعہ پر کانگریس رہنما راہل گاندھی نے سوشل میڈیا پر لکھا، "بابا صدیقی جی کا انتقال صدمے والا اور افسوسناک ہے۔ اس مشکل وقت میں میری تعزیت ان کے اہل خانہ کے ساتھ ہے۔ یہ ہولناک واقعہ امن و امان کی مکمل تباہی کی علامت ہے۔ م یہ اس بات پر روشنی ڈالتا ہے کہ حکومت کو ذمہ داری لینا چاہئے اور انصاف کا راج ہونا چاہئے۔‘‘

نائب وزیر اعلیٰ اور این سی پی  (اجیت پوار)کے سربراہ اجیت پوار نے سوشل میڈیا پر لکھا، "مجھے یہ جان کر صدمہ پہنچا ہے کہ اس واقعے میں ان کی موت ہو گئی ہے۔ میں نے ایک اچھے دوست اور ساتھی کو کھو دیا ہے، ۔‘‘نہوں نے مزید کہا، "ہم نے ایسے رہنما کو کھو دیا ہے جس کے لیے  میں لڑا تھا۔"آپ کو بتاتے چلیں کہ بابا صدیقی نے اسمبلی میں باندرہ (ویسٹ) سیٹ کی تین بار نمائندگی کی تھی۔ انہوں نے اس سال این سی پی (اجیت پوار) میں شمولیت اختیار کی۔