بھٹکل، 4 اکتوبر (ایس او نیوز): ہلکی بارش کے دوران ایک ماروتی سوئفٹ کار بے قابو ہوکر میونسپل گارڈن میں جا گھسی۔ حادثے میں کار کو معمولی نقصان پہنچا جبکہ ڈرائیور، جس کی شناخت محمد شاہد کے طور پر ہوئی ہے، کو معمولی چوٹیں آئیں، اور وہ محفوظ رہا۔ یہ واقعہ جمعہ کی رات تقریباً 11 بجے پیش آیا۔

تفصیلات کے مطابق کار حنیف آباد سے گلمی کی جانب جا رہی تھی کہ کوالٹی ہوٹل کے قریب نیشنل ہائی وے پر اچانک پھسل کر بے قابو ہو گئی اور سڑک کے کنارے ڈھلان پر واقع میونسپلٹی کے بنائے گئے گارڈن میں داخل ہو گئی۔ خوش قسمتی سے، کار میں ڈرائیور کے علاوہ کوئی اور موجود نہیں تھا۔

حادثے کے فوراً بعد جائے وقوعہ پر لوگوں کی بھیڑ جمع ہوگئی۔ اطلاع ملتے ہی پولیس موقع پر پہنچی اور صورتحال کا جائزہ لیا۔