بھٹکل 23 اکتوبر (ایس او نیوز)مشہور ومعروف سیاحتی مقام مرڈیشور بیچ پرسیر و تفریح کی غرض سے آئے ہوئے دو الگ الگ سیاحوں نے سمندر میں غرق ہوکر اپنی جان گنوادیں۔ حادثہ پیر صبح پیش آیا۔ مرنے والوں کی شناخت منجوناتھ رمیش ہڈپد (25) اور کرشنپّا کریپّا (15) کی حیثیت سے کی گئی ہے۔  پولس نے بتایا کہ ان دونوں کا تعلق ضلع باگلکوٹ سے ہے۔

اطلاع کے مطابق منجوناتھ سات لوگوں پر مشتمل ایک ٹیم کے ساتھ مرڈیشور پہنچا تھا جبکہ کرشنپآ چھ لوگوں پر مشتمل اپنے گھروالوں کے ساتھ مرڈیشورکی سیرکو آیا تھا۔ منجوناتھ صبح 9:30 بجے اپنے دوستوں کے ساتھ سمندر میں تیرنے کے دوران غرق ہوگیا جبکہ کرشنپّا  کے ساتھ حادثہ صبح قریب 10:30 بجے پیش آیا۔

تعلیمی اداروں میں تعطیلات کی وجہ سے مرڈیشور میں سیاحوں کی بھیڑ دیکھی جارہی ہے اور دور دراز سے آئے ہوئے سیاح پانی کی گہرائی اور اونچی اُٹھتی جان لیوا موجوں سے بے خبرہوکر سمندر کو دیکھتے ہی پانی میں اُترجاتے ہیں۔

مرڈیشور پولس تھانہ میں اس تعلق سے دو الگ الگ معاملات درج کئے گئے ہیں۔

Bhatkal: Tragedy Strikes as Two Tourists Drown in Murdeshwar Beach