بینگلور کی معروف کالج میں زیرتعلیم بھٹکل کے طالب علم نے سی ای ٹی میں حاصل کیا 619 واں رینک
بھٹکل 7/جون (ایس او نیوز) بینگلور کی ٹا پ اور بہترین سمجھی جانے والی کریسٹ جونئیر کالج میں زیر تعلیم بھٹکل کے طالب علم مفاز معلم ابن مُفیض معلم نے سی ای ٹی میں 619 واں رینک حاصل کرکے بھٹکل کا نام روشن کردیا ہے۔
بتاتے چلیں کہ انجینئرنگ جیسے پیشہ ورانہ کورسس میں داخلے کے لیے اِمسال ہوئے کامن انٹرنس ٹیسٹ (سی ای ٹی) میں 3,49,673 طلبہ شریک ہوئے تھے، جس میں سے بھٹکل کا یہ طالب علم 619 واں رینک حاصل کر کے کسی بھی اعلیٰ کالج میں داخلے کا اہل بن گیا ہے۔
انجمن حامئی مسلمین بھٹکل کے سابق جنرل سکریٹری مرحوم معلم ظفر علی کا پوتا مفاز معلم نے سکینڈ پی یو سی سائنس میں اِمسال 98.16 فیصدمارکس کے ساتھ امتیازی کامیابی بھی درج کی ہے۔ اس طالب علم نے میتھس اور بائیولوجی میں صد فیصد مارکس، کیمسٹری میں 99 فیصد، فزیکس اور کنڑا میں 98 فیصد مارکس اور انگلش میں 94 فیصد مارکس حاصل کرکے شاندار کامیابی حاصل کی ہے۔
ان کی اس امتیازی کامیابی پر بھٹکل مسلم جماعت بینگلور کے ذمہ داران نے انہیں اور اس کے والدین کو مبارکباد پیش کی ہے۔