بھٹکل:13؍ اکتوبر(ایس اؤ نیوز)تعلقہ کے مختلف مقامات پر غیر قانونی طورپر شراب بیچے جانے کےالزام میں بھٹکل دیہی تھانہ پولس نے چار افراد کے خلاف کیس درج کرلیاہے۔

تعلقہ کےسرپن کٹا کونار سڑک پر واقع شری دیوی ہوٹل کے ناگراج نارائن نائک نیرگدے منڈلی، منجوناتھ درگپا نائک یلووڑی کوؤور ، تعلقہ یلووڑی کوؤور آئی ٹی آئی کالج کے پیچھے موجود ہنومان ہوٹل کے سبرائے ہنومنت نائک ، دنیش ایرا نائک یلووڑی کوؤور کو ملزم بتایاگیا ہے۔ متعلقہ ملزموں کے خلاف بھٹکل دیہی پولس تھانے میں کرناٹکا ایکسائز قانون کے تحت کیس درج کرلینے کے بعد ایس آئی بھرت جانچ کررہےہیں۔