بھٹکل : ادارہ فکر و خبر کی طرف سے سیرت تقریری مقابلہ - جیتنے والے کو تفویض ہوگا 'ننھا مقرر' ایوارڈ ؛ وڈیو کلپ بھیجنے کی آخری تاریخ 15/اکتوبر
بھٹکل، 9/ اکتوبر (ایس او نیوز) ادارہ فکر و خبر بھٹکل کی جانب سے سیرت النبی صلی اللہ علیہ و سلم کے حوالے سے کم عمر بچوں کے لئے ایک آن لائن تقریری مقابلہ منعقد کیا گیا ہے جس میں جیتنے والے کو 'ننھا مقرر' ایوارڈ سے نوازا جائے گا ۔
اس مقابلہ کے لئے دس سال سے کم عمر لڑکوں اور 7 سال سے کم عمر لڑکیوں کے جداگانہ گروپ ہونگے ۔ سیرت النبی کے تعلق سے متعین کردہ عنوانات پر اردو، انگریزی یا کنڑا میں سے کسی ایک زبان میں تین منٹ تک کی ویڈیو کلپ کے ساتھ طلبہ حصہ لے سکیں گے ۔ 5 ستمبر سے شروع ہونے والے اس مقابلے میں شرکت کی آخری تاریخ 15 اکتوبر 2024 ہے۔
تقریری مقابلے کے لئے 'اخلاق نبوی واقعات کی روشنی میں'، 'ورفعنا لک ذکرک (آیت کی روشنی میں) پیارے نبی کا مقام و مرتبہ'، 'نبی صلی اللہ علیہ و سلم کا مکی دور'، 'نبی صلی اللہ علیہ و سلم کا مکی دور'، 'فتح مکہ کا واقعہ'، 'ہجرت نبوی کا منظر'، 'غزواتِ رسول پر ایک نظر'، 'بچوں کے ساتھ پیارے رسول کا سلوک'، جیسے عنوانات دئے گئے ہیں۔
تقریری مقابلے میں حصہ لینے کے لئے ویڈیو کلپ کو http://links.fikrokhabar.com/ca951b00 پر شیئر کرنا ہوگا۔ مزید جانکاری کے لئے 9916131111 پر رابطہ قائم کیا جا سکتا ہے۔