بھٹکل14/اگست(ایس او نیوز)ایک دو ماہ کی بچی کے گلے میں جینس پینٹ کا بٹن پھنس جانے سے بچی کی جان خطرہ میں پڑگئی تھی، مگرسرکاری اسپتال کے ڈاکٹر کافی کوشش کے بعد بٹن کو باہر نکالنے میں کامیاب ہوگئے.

بتایا گیا ہے کہ رنگین کٹہ میں دس سال سے مقیم بہار کے کمل کشور کی دوماہ کی بچی امریتا کے ساتھ یہ واردات اتوارشام کو پیش آئی تھی۔ای این ٹی کے ماہرڈاکٹرڈاکٹرستیش جو گلے میں پھنسے بٹن کو نکالنے میں کامیاب ہوگئے تھے، ساحل آن لائن سے گفتگو کرتے ہوئے بتایا کہ اتوارشام کو جب نائٹ ڈیوٹی پر تھے، تو بچی کو اسپتال لایا گیاتھا، بچی کو سانس لینے نہیں ہورہا تھا، ہم نے فوری بچی کو اکسیجن فراہم کیا۔ ہم نے جب والدین سے پوچھا کہ کیا بچی نے کوئی کھلونا نگل لیا ہے، تو والدین کو بھی معلوم نہیں تھا کہ کیا ہوا ہے، وہ کہہ رہے تھے کہ دو ماہ کی اتنی چھوٹی سی بچی کیسے کوئی چیزنگل سکتی ہے۔ ڈاکٹرستیش نے بتایا کہ اُسے لگا کہ بچی کے گلے میں کوئی چیزپھنس گئی ہے، جس کی وجہ سے اُسے سانس لینے نہیں ہورہا ہے، اس نےچھوٹے سے پائپ کو گلے میں گھسانے کی کوشش کی جس کے دوران بچی نے اُلٹی کردی، جس کے ساتھ ہی گلے میں پھنسا ہوا جینس پینٹ کا بٹن باہرنکل آیا۔

کمل کشورکی دوسال کی بڑی بیٹی بھی ہے،جس کے ساتھ امریتا کھیل رہی تھی۔ سمجھا جارہا ہے کہ کھیلنے کے دوران بڑی بیٹی نے بٹن کو چاکلیٹ سمجھ کربچی کے منہ میں ڈالا ہوگا، جس نے نگل لیا اور بٹن گلے میں پھننس گیا۔

ڈاکٹرستیش نے بتایا کہ بٹن کو نکالے جانے کے بعد بھی بچی کواکسیجن کی کمی واقع ہوئی، اس لئے اُسے دوبارہ اکسیجن دیا گیا۔ بعد میں بچی کو فٹس ہوگیا، پھر بچی نے اُلٹی کردی، جس کو دیکھتے ہوئے گلے مٰیں مزید کچھ پھنسے ہونے کا شبہ ہوا جس کو دیکھتے ہوئے ہم نے بچی کے گلے کی اسکیننگ کرائی، مگررپورٹ نارمل آیا ہے۔ ڈاکٹرستیش نے بتایا کہ بچی ویسے نارمل لگ رہی ہے، لیکن فٹس آرہے ہیں، اس لئے اسے آئی سی یو میں رکھا گیا ہے اوراس کی نگہداشت جاری ہے۔

Bhatkal: Infant rescued from life-threatening button incident, Undergoes careful monitoring in ICU