بھٹکل:18؍ مارچ (ایس اؤ نیوز)بھٹکل میونسپالٹی حدود میں بڑے منصوبے کے نفاذ میں آثار قدیمہ کی عمارتیں حائل ہونے کا  امکان جتایا گیا ہے۔ عملی نقشہ کے مطابق منصوبے کو منظوری ملتی ہےتو شہرکی متوقع ترقی نہیں ہونے کا ماہرین نےخیال ظاہر کیا ہے۔

میونسپالٹی حدود میں اگلے چاردہوں کی ترقی کو دھیان میں رکھتےہوئے تشکیل دئیے گئے بڑے منصوبے کےنقشہ میں 7آثارِ قدیمہ کی عمارتوں کی نشان دہی کی گئی ہے۔ یہ ساتوں عمارتیں شہر کے بالکل قلب میں واقع ہے۔ متعلقہ آثارِ قدیمہ کی عمارتیں صدیوں پرانی ہیں، جو اب بوسیدگی کے قریب ہیں۔ محکمہ بھارتیہ آثار قدیمہ کے مطابق جہاں بھی آثارقدیمہ کی عمارتیں ہیں اس کے اطراف 300میٹر تک کسی بھی عمارت کی تعمیر کے لئے منظوری نہیں دی جائےگی۔ جب کہ ان آثار قدیمہ کی عمارتوں کے اطراف جوہزاروں  رہائشی مکانات اور عمارتیں ہیں وہ صدیوں پرانی ہیں اور خستہ حالت کو پہنچ گئی ہیں، ان عمارتوں کی درستی ومرمت کےلئے منظوری نہیں دی جارہی ہے جس کی وجہ سے ان عمارتوں کی تجدید نہیں ہوپارہی ہے۔ منظوری نہ ملنے سے خالی جگہوں کو ایسے ہی چھوڑکر دوسری جگہوں پر منتقل ہونےکی مثالیں بھی ہیں۔مقامی عوام کاکہنا ہے کہ  ان حالات میں  اب  دوبارہ انہی 7آثار قدیمہ کی عمارتوں کی موجودگی میں عملی نقشہ کو منظوری دی جاتی ہے تو پھر بھٹکل مستقل طورپرترقی کے بغیرپچھڑا اور  پسماندہ  ہی رہے گا۔

بڑے منصوبے کے نقشہ میں 7آثار قدیمہ کی عمارتوں کے اطراف 300میٹر کا علاقہ نشان زد کیاگیا ہے۔ جہاں اور جس آثار قدیمہ کی عمارت کو لوگ سیاح زیادہ آتے جاتےرہتےہیں محکمہ اس کو اپنی تحویل میں لے سکتاہے۔ اس سلسلےمیں میونسپالٹی کے صدر پرویز قاسمجی کا کہنا ہے کہ میونسپالٹی حدود میں واقع آثار قدیمہ کی عمارتوں کو محکمہ اپنی تحویل میں لےکر مناسب معاوضہ تقسیم کرے۔ اگر محکمہ ایسا نہیں کرسکتاہے تو پھر عمارتوں کی تعمیر کےلئے منظوری دے۔ یہ دونوں بھی نہیں ہوسکتےہیں تو بڑے منصوبے کےنقشہ کی عمارتوں پر سے پابندی ختم کرنے کے لئے کارروائی کرنی ہوگی 

7آثار قدیمہ کی عمارتیں : رگھو ناتھ روڈ پر واقع رگھوناتھ مندر، سونارکیری میں واقع ویروپاکشا مندر، مین روڈ پر واقع جٹپا نایک بسدی، پھول مارکیٹ کےقریب والی پاشورناتھ بسدی، ڈونگری پلی پر واقع یوروپین قبریں، موڈبھٹکل کی کیتپائی نارائن مندر، ماروتی نگر کی لکشمی نارائن مندر محکمہ آثارِ قدیمہ کی تحویل والی عمارتیں ہیں۔