ہوناور، 30 / جون (ایس او نیوز) کمٹہ سے ایک فالج زدہ مریضہ اور اس کے رشتے داروں کو منگلورو لے جانے والی ایمبولینس  نیشنل ہائی وے 66 پر ہوسپٹن کراس کے قریب بے قابو ہو کر الٹ گئی مگر خوش قسمتی سے کسی کو کوئی جانی نقصان نہیں ہوا۔
    
بتایا جاتا ہے کہ جب حادثہ پیش آیا تو اُس وقت ایمبولینس میں ڈرائیور کے علاوہ فالج زدہ مریضہ اور اس کے دو رشتے دار سفر کر رہے تھے۔

حادثے میں ایمبولینس کو نقصان پہنچا ہے جبکہ ڈرائیور کو معمولی چوٹ آئی ہے۔ 
    
حادثے کے بعد مریضہ اور اس کے رشتہ داروں کو دوسری ایمبولینس میں منگلورو اسپتال کے لئے روانہ کیا گیا۔