کمٹہ - سرسی ہائی وے پر بہنے لگا چنڈیا ندی کا پانی - پھنس گئی مسافروں سے بھری بس - ٹریفک نظام ہوا متاثر
کاروار، 4 / جولائی (ایس او نیوز) مسلسل برسات کی وجہ سے کمٹہ تعلقہ کے کتگال میں چنڈیا ندی ابل کر نیشنل ہائی وے 766E پر بہنے لگی ۔ اسی دوران ایک بس سڑک پر بہنے والے پانی کے اندر پھنس گئی جس سے مسافر پریشان ہوگئے ۔
معلوم ہوا ہے کہ مسافروں سے بھری بس سڑک پر بہتے ندی کے پانی میں پھنسنے کے بعد گرام پنچایت کے افسران نے مقامی لوگوں کے تعاون سے ایک کشتی کے ذریعے بس میں موجود مسافروں کو محفوظ جگہ پر منتقل کرنے کی کارروائی انجام دی ۔
ندی میں سیلابی کیفیت اور سڑک پر پانی کا بہاو زیادہ ہونے کی وجہ سے سرسی - کمٹہ نیشنل ہائی وے 766E بند ہوگیا اور موٹر گاڑیوں کی آمد و رفت کا نظام متاثر ہوا ۔