بھٹکل،  11 / جولائی (ایس او نیوز) بجلی سپلائی کمپنی ہیسکام کی طرف سے جاری کردہ بیان کے مطابق جو لوگ زعی مقاصد کا بجلی کنکشن یعنی آئی پی سیٹ استعمال کر رہے ہیں ان کے لئے اپنے بجلی کھاتے کے ساتھ آدھار نمبر لنک کرنا لازمی ہے ۔
    
اسسٹنٹ ایگزیکٹیو انجینئر بھٹکل سب ڈیویژن  مسٹر منجوناتھ نے پریس ریلیز جاری کرتے ہوئے  بتایا  ہے کہ جن لوگوں کا آئی پی سیٹ والا بجلی کھاتہ آدھا کارڈ نمبر سے جوڑا نہیں جائے گا، ان کی سبسیڈی روکنا ناگزیر ہو جائے گا ۔ اس لئے آئی پی سیٹ والے گاہک اس پر فوری توجہ دیں اور جلد از جلد اپنے قریبی ہیسکام دفتر پہنچ کر آدھار لنک کرنے کی کارروائی انجام دیں ۔