بیروت، 29/ستمبر (ایس او نیوز /ایجنسی)جنوبی لبنان کے مختلف علاقوں پر ہفتے کے روز اسرائیلی فضائی حملوں کے نتیجے میں کم از کم 23 افراد شہید اور 65 دیگر زخمی ہو گئے۔ یہ اطلاع لبنانی فوجی ذرائع نے فراہم کی ہے، جن کے مطابق حملے کی شدت سے متاثرہ علاقوں میں ہلچل مچ گئی ہے۔ یہ حملے حالیہ کشیدگی کے دوران صورت حال کو مزید بگاڑنے کا باعث بن رہے ہیں۔

فوجی ذرائع نے نام ظاہر نہ کرنے کی شرط پر بتایا کہ اسرائیلی جنگی طیاروں اور ڈرونز نے دوپہر کے وقت جنوبی لبنان کے تقریباً 45 دیہاتوں اور قصبوں کو نشانہ بناتے ہوئے تقریباً 90 حملے کیے۔

ذرائع نے بتایا کہ حملوں میں کئی کلینک اور شہری دفاع کے مراکز کو بھی نشانہ بنایا گیا، جس میں 12 افراد ہلاک اور 15 دیگر زخمی ہوئے، جن میں زیادہ تر ڈاکٹر، پیرا میڈیکس، نرسز اور فائر فائٹرز تھے۔