ಬಾಗಲಕೋಟೆ : ದೇವಸ್ಥಾನದ ಲೋಕಾರ್ಪಣಾ ಕಾರ್ಯಕ್ರಮದಲ್ಲಿ ʼವಕ್ಫ್‌ ವಿಚಾರʼ ಪ್ರಸ್ತಾಪಿಸಿದ ಬಿಜೆಪಿ ಶಾಸಕ ಯತ್ನಾಳ್‌ಗೆ ಸಾರ್ವಜನಿಕರು ತರಾಟೆಗೆ ತೆಗೆದುಕೊಂಡಿರುವ ಘಟನೆ ಬಾಗಲಕೋಟೆ ಜಿಲ್ಲೆ ತೇರದಾಳ ಪಟ್ಟಣ ನಡೆದಿದೆ.  

ಧಾರ್ಮಿಕ ಕಾರ್ಯಕ್ರಮದಲ್ಲಿ ರಾಜಕೀಯ ವಿಷಯವನ್ನು ಮಾತನಾಡಿದ್ದಕ್ಕಾಗಿ ಜನರು "ಇದು ರಾಜಕೀಯ ಮಾಡುವ ಜಾಗವಲ್ಲ" ಎಂಬುದಾಗಿ ತಿರುಗೇಟು ನೀಡಿದರು. "ದೇವಾಲಯ ನಿರ್ಮಾಣಕ್ಕೆ ಎಲ್ಲ ಸಮುದಾಯದವರು, ಸೇರಿದಂತೆ ಮುಸ್ಲಿಮರು ಆರು ಲಕ್ಷ ರೂ. ದೇಣಿಗೆ ನೀಡಿದ್ದಾರೆ" ಎಂದು ನೆರೆದಿದ್ದ ಸಾರ್ವಜನಿಕರು ಯತ್ನಾಳ್ ಅವರನ್ನು ತರಾಟೆಗೆ ತೆಗೆದುಕೊಂಡು, ಅವರ ಹೇಳಿಕೆಗೆ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದರು. ಇದರಿಂದ ಗಲಿಬಿಲಿಗೊಂಡ ಬಿಜೆಪಿ ಶಾಸಕ ಯತ್ನಾಳ್ ವೇದಿಕೆಯಿಂದಲೇ ಕಾಲ್ಕಿತ್ತರು.