ದಮಾಸ್ಕಸ್: ಸಿರಿಯಾ ಬಂಡುಕೋ ರರು ರವಿವಾರ ರಾಜಧಾನಿ ದಮಾಸ್ಕಸ್ ಮೇಲೆ ಮಿಂಚಿನ ದಾಳಿ ನಡೆಸಿದ್ದು ಅಧ್ಯಕ್ಷ ಬಶರ್ ಅಲ್ ಅಸದ್ ಸರಕಾರವನ್ನು ಪತನಗೊಳಿಸಿದ್ದಾರೆ. ಅಸದ್ ಅವರು ದೇಶವನ್ನು ತೊರೆದಿದ್ದು, ಅಜ್ಞಾತ ಸ್ಥಳಕ್ಕೆ ತೆರಳಿದ್ದಾರೆಂದು ಸಿರಿಯಾದ ಸುದ್ದಿಮಾಧ್ಯಮ ಗಳು ತಿಳಿಸಿವೆ. ಇದರೊಂದಿಗೆ ಅಸದ್ ಅವರ 24 ವರ್ಷಗಳ ಆಳ್ವಿಕೆ ಅಂತ್ಯಗೊಂಡಿದೆ.

ಎರಡೇ ವಾರದಲ್ಲಿ ಇದ್ದಿಬ್, ಹೋಮ್ಸ್, ಅಲೆಪ್ಪೋ ಸೇರಿದಂತೆ ಸಿರಿಯಾದ ವಿವಿಧ ನಗರಗ ಳನ್ನು ಮಿಂಚಿನ ವೇಗದಲ್ಲಿ ವಶಪಡಿಸಿಕೊಂಡಿದ್ದ ಬಂಡುಕೋರರು ರಾಜಧಾನಿ ದಮಾಸ್ಕಸ್‌ಗೆ ರವಿವಾರ ಲಗ್ಗೆ ಹಾಕಿದ್ದರು. ಇದಕ್ಕೆ ಕೆಲವೇ ತಾಸುಗಳ ಮೊದಲು ಅಸದ್ ಅವರು ದೇಶ ವನ್ನು ತೊರೆದಿದ್ದಾರೆ. ಬಂಡುಕೋರ ಸಂಘ ಟನೆ ಹಯಾತ್ ತರ್ ಅಲ್-ಶಾಮ್ (ಎಚ್‌ ಟಿಎಸ್) ನೇತೃತ್ವದಲ್ಲಿ ಪ್ರತಿಪಕ್ಷಗಳ ಒಕ್ಕೂಟವು ಎರಡು ವಾರಗಳ ಹಿಂದೆ ಅಸದ್ ಆಳ್ವಿಕೆಯ ವಿರುದ್ಧ ಸಶಸ್ತ್ರ ಹೋರಾಟವನ್ನು ಆರಂಭಿಸಿತ್ತು.

ಅಧ್ಯಕ್ಷ ಬಶರ್ ಅಲ್ ಅಸದ್ ಅವರನ್ನು ಪದಚ್ಯುತಗೊಳಿಸಲಾಗಿದ್ದು, ಜೈಲುಗಳಲ್ಲಿರುವ ಎಲ್ಲಾ ಬಂಧಿತರನ್ನು ಬಿಡುಗಡೆಗೊಳಿಸಲಾಗಿದ ಎಂದು ಬಂಡುಕೋರರ ಗುಂಪೊಂದು ಹೇಳಿಕೆ ನೀಡಿರುವ ವೀಡಿಯೊವನ್ನು ಸಿರಿಯಾ ಸರಕಾರಿ ಸ್ವಾಮ್ಯದ ಟಿವಿ ವಾಹಿನಿ ಪ್ರಸಾರ ಮಾಡಿದೆ. ಸ್ವತಂತ್ರ ಸಿರಿಯಾದ ಎಲ್ಲಾ ಆಡಳಿತ ಸಂಸ್ಥೆಗಳನ್ನು ಸಂರಕ್ಷಿಸುವಂತೆ ಕರೆ ನೀಡಿದೆ.

ಬಂಡುಕೋರರು ಎಲ್ಲಾ ಕಡೆಗಳಿಂದಲೂ ದಮಾಸ್ಕಸ್ ನಗರವನ್ನು ಸುತ್ತುವರಿದಿದ್ದಾರೆ.

ಅಂತರ್‌ರಾಷ್ಟ್ರೀಯ ವಿಮಾನನಿಲ್ದಾಣವನ್ನು ವಶಪ ಡಿಸಿಕೊಂಡಿದ್ದಾರೆ ಹಾಗೂ ಸೇನಾ ಪ್ರಧಾನ ಕಚೇ ರಿಯನ್ನು ಕೂಡಾ ಅವರು ಸ್ವಾಧೀನಪಡಿಸಿಕೊಂಡಿ ದ್ದಾರೆ. ದಮಾಸ್‌ನಲ್ಲಿರುವ ಅಧ್ಯಕ್ಷರ ಅರಮನೆಗೆ ನುಗ್ಗಿರುವ ಜನರು ಅಲ್ಲಿನ ಪೀಠೋಪಕರಣಗಳನ್ನು ಹೊತ್ತೊಯ್ಯುತ್ತಿರುವ ದೃಶ್ಯಗಳನ್ನು ಟಿವಿಜಾಲಗಳು ಪ್ರಸಾರ ಮಾಡಿವೆ.